معجنات بالجبنه والزيتون ..

اقدم لكم اليوم هذه الوصفه الرائعه التي احبها جدا ..
وهي سهله للغايه ..اتمنى ان تعجبكم ..
المقادير للعجينه :
كيلو طحين
500 غم جبنه صفراء مبروشه ناعم .
كيس باكمباودر
50 غم مرجرين او زبده
كاس زيت ذره
قليل من الملح
ماء دافئ للعجن ...

للحشو :
زيتون اخضر منزوع النوى ( مفضل بجوده عااليه وان يكون حجم الحبات كبير )
يفى جيدا وينشف بحيث لا يحوي الماء ولا يكون رطبا ..

التغليفه سمسم ابيض

الطريقه:
نعجن جميع مواد لعجينه الجافه مع بعضها .. بحيث تتجانس ..ومن ثم نعجنها بالماء ..
بحيث تتكون لدينا عجينه متناسقه ..لا طريه ولا صلبه ..
نأخذ من العجينه قطع صغيره نكورها نفتحها ..ومن ثم نضع في داخلها حبة زيتون واحده ومن ثم نقفلها ونكورها مرة اخرى .. ونضعها بعد هذا داخل السمسم الابيض ليغلفها كلها من الخارج ..
ونكورها مره اخرى بين ايدينا حتى يتماسك السمسم عليها جيدا ..
وهكذا حتى ننهي كل المقدار ..
ملاحظه قد نحتاج لكمية العجينه من علبتين من الزيتون حتى ثلاث ..حسب حجم حبات الزيتون ..
ومفضل كبدايه عمل كميه صغيره .. نصف او ربع كيلو طحين ..للتجربه ..
*****
بعد الانتهاء من تحضير كرات الزيتون بالجبنه .. نضع في قاع صينية الفرن ورق زبده ونصف الحبات للتحمير وندخلها الفرن على درجة حراره متوسطه حتى يصبح لونها اصفر فاتح ..مائل االى البياض .. ولا يجب تحميرها ..
وبعدها طبعا ..باالصحه والهنا ..ممممممممم شهيه

والجبنة الصفراء وين منروح فيهاااااااااا

قصدك منكورها ومنفتحها ,,, منحط شوي جبة مبروشة مع حبة زيتون ؟؟؟؟؟

ومنكورها مع السمسم الابيض...

حبيبة قلبي تالا ..
لا .. مع اني توقعت انك تكوي تعرفيها .. يلا ما علينا ..بس اكيد بدي منك نوع معجنات انا ما بعرفها ..
اسمعي : الجبنه الصفرا منعجنها مع الطحين وباقي المقادير ..هاي العجينه هي عجينة جبنه ..وكثير زاكيه ..ولما نحمرها الجبنه بتذوووب قسم بيضل بالعجين وقسم بيدخل للداخل ..
جربيها وما راح تندمي ..
وما تنسي بدي منك وصفه
سلام

..

أهاا انا بعرفها..بس ولا مره جربت أساويها..

طيبه كتير كتير

يسلموا سونا

تحياتي انثى ..
وشكرا عالمرور .
ويلا اعمليها ..
بس ما تكوني بتحبي الجاهز ..
شغل البيت غير ..

...

هلا سونا

اذا بدك الصراحه انا بحب الجهتين ههههههه

لانو احيانا الواحد بضطر يشتري جاهز ...

على اي حال انا راح جربها ومن شوف شو بطلع معي

سلامات

شو تشوفي كيف بتطلع معك ..
اكيد راح تطلع تجنن بكفي انك انتي راح تعمليها ..
تحياتي

طريقه حلوه كتير
وسهله يسلمووو
ديااااااااااااااااتك

يا هلا بليمار ...
تسلملي هالطله والله ..منوره
تحياتي

سونا كتب:

شو تشوفي كيف بتطلع معك ..
اكيد راح تطلع تجنن بكفي انك انتي راح تعمليها ..
تحياتي

تسلميلي يا رب

بس انا حكيت هيك لاني بجد ما بعرف كيف راح تطلع مع
ميه بالميه معجنات مع جبني ولا معجنات مع شي تاني

ههههههههه

ثم أن ذكرتيني بجوزي ..لما مره طبخت عيليت كانت اول بطبخها
بتصل في بقولوا لا توكل شي أياني طابخه عيليت..

ولا بقولي انتي متأكده انها عيليت مش أشي تاني طلع معك
يعني 100 بالميه عيلت مش خبيزه او سبانخ طلعت

بقولوا اناا ..هي الصراحه 80 بالميه عيلت اما 20 بالميه الباقيه
ما بعرف شو ..لما تروح بتعرف

وانا بقولك هلا نفس الشي الله وأعلم شو بتطلع معي
ههههههههههههه

هههههههه
ضحكتيني يا انثى ..
يلا معك معك بتصيري ..ههههههه
انا الحمد الله ما مريت بهالمرحله ابدا
مع انو بيني وبينك ..وما تقولي لحدا ..كلمة بعرفش بتريح ههههه

اكلة المعجنات كثير طيبه وشهيهــــــــ

شكرا الكــــــــــــــ

شو يا صباياااا
شو هالابداع
لك تسلمولي
شو طبخااات
احسن مني
هههههههههههههه