زوااج سري للغايه.....

تدور القصة


حول مديرة مدرسة عزباء غابت عن المدرسة يومين


ويوم عودتها لمدرستها قابلتها المدرسات سلامات وينك يامديره؟


قالت باركوا لي تزوجت ...


قالو ا مبروك يامديره ولكن ...من هو زوجك ؟


قالت بصراحة ... زوجي هو زوج إحداكن !!


المدرسات بفزع..تكفين علميننا أي وحدة منا ؟


قالت المديره والله ما أعلمكن


المهم اصروا .. والحوا عليها فقالت أنا ماني متكلمة اللي تبي تعرف هل هو زوجها او لا


تجيب بكره معها خمسمية ريال وإذا جت توقع تحط الخمسمية على الطاولة


واللي آخذ خمسميتها يعني ماهو زوجها


واللي أخلي خمسميتها على الطاولة ولا آخذها فهو زوجها.....عيب علي أتزوج زوجها وآخذ بعد منها خمسمية ريال !!


وافقن المدرسات على الطريقة وثاني يوم كل وحده معها خمسمية ريال


جت الأولى والثانية والثالثة والرابعة حتى العاشرة والمديره تاخذ الدراهم


يوم جت المدرسة الـ 11 وبدت المديرة تأفف .. المهم حطت الفلوس على الطاولة وقالت لها تكفين خذيها يالمديره قالت


المديرة اعذريني قالت المدرسة ان كانت قليلة حطيت ألف بدال الخمسمية


قالت المديره ......أوووه معليش يا جواهر آسفه غلطت ماانتبهت لك


و زفرت المدرسة وقالت الحمد لله يعني بتاخذين الفلوس ..


المهم أخذتها المديره ودخلوا باقي المدرسات حتى الـ 23 والمديرة تلعب بأعصاب كل وحده ..


وفي النهايه تاخذالخمسمية ريال



بقي مدرسة وحدة فقط غابت عن الدوام إتصلوا عليها المدرسات ...هاه وينك ياأستاذه .؟


قالت والله اني تعبانه وماني جايه ...قالت : هاه عرفتوا اي منكم اللي زوجها متزوج المديره ؟


قالوا لا.. ماعرفنا شي والمديره رفضت تاخذ الفلوس الى ان يكتمل عدد المدرسات


( طبعآ اخفوا عنها الحقيقه لأن ماباقي غيرها )


وقالوا المدرسات لازم تجين تكفين ضروري....المهم جت وهي مريضه


دخلت غرفة المديرة وباقي المدرسات متخوفات من ردة فعلها ومتأكدات ان زوجها من تزوج المديره


حطت المدرسه الخمسمية على الطاولة وأخذتها المديرة


طلعت وتفاجأت المدرسات بهدوءها وان فلوسها أخذتها المديرة


قالوا يا بنات فيه وحده منكن ماخذت المديره فلوسها ؟


قالوا لا والله كلنا أخذت فلوسنا .......


ودخلوا المدرسات على المديره وقالو أخذتي الفلوس من كل المدرسات شلون؟


وماعرفنا منهو زوجك !!


قالت المديره المهم المبلغ ( 12000 ريال ) ماراح ترجع


وأنا والله لا تزوجت ولاشي كنت مريضة هاليومين اللي غبتهم


ولكن من شهر وانا اطالبكن بأن تدفع كل وحده 100 ريال نصلح المصلى ولا وحدة منكن دفعت ..


قلت والله لأدفعكن 500 ريال.. نصلح المصلى ونشتري مصاحف وقف للمسجد


قالوا المدرسات بردها الله بالعافية فداك الدراهم ولو تبين زود عطيناك


هو صدق بس رجالنا ماتزوجوا علينا !!!!!!!!