من عاقله!!! الي مجنون!!! ((( خاطره لفتاه عزيزه طلبت مني نشرها )))

[center]عشقت الحياة بجمال سحرك
و ناديت الشمس بضياء وجهك
و خلت قد تسلب الأنفاس مني
بانقطاعك يا قاتلي أنت عني
بالأمس كنت لا اعرف النطق جاهله
و اليوم ابتدع الشعر فصيحه بوصفك
يا بدرا أضاء بالليل الحالك دربي
يا نجما أصبح لي دليلا على مسلكي
قسما بالحب الذي أكنه في قلبي لك
لو زل أللسان يا حسن مني بوصفك
لثار عليك الناس فقطعوك ثم قبلوك
و لم يبقى منك سوى تراب القدمين لتقبيله
احمق ومجنون يا من سرقت قلبي
و جعلتني امرأه شرسه بلا كيان و إحساس
روحي تذهب أين ما ذهبت و أنا ها هنا باقيه
النفس تتوق للعناق و العقل هائم بذكراك
يا من بقربك أحسست أن جنت الخلد و مسكها داني
يا من بحلمي بنت قصرا و سكنت بسلام
بالله عليك لا تأخذ علي مأخذا يا أنيسي و بهائي
فو ربي أنت حبيبي و هو شاهد و هو خير باقي

[/center]

يا سلام على هذا الحب الغامر
باين على هذه البنت عشاقنة
وماحدا مسمي عليها.
عندها لهفة وشوق للحبيب
قصيدة جميلة لكن يا اخت شيطانة
لو تقوليلها تركز وبلاش تحب كثير
وبعدين توقع على راسها.
ههههههههههههههههههههههههههههههه

اخت شيطانه
حرام عليك
اسا بتخوف الشعب العريق مني
بكفيش الكوبرا
هههههههه
البنت كتير بعزها وبحترمها
وطلبت مني انشر خاطرتها
عندها امل انو الحبيب المعهود يعود
والي تأكدت منو انها عاقله وهو واحد مجنون
يعني عرفت تختار اسم القصيده المعبر
.... حدا بحب مجانين يا ربي ....
ولا قلك الي ما بحب بكون مجنووووووووووووووووووووون

شوفي يا اخت حدائق الشيطان اسف ( شيطانة)
صدقيني كلمة حدائق الشيطان طويلة انا
ساعدت بالاختصار بس. غيريةوارتاحي مني.
ردي على قصيدة البنت
الله يعين كل واحد على بلاوية
ما اصعب كويةولوعة الحب.
لذلك الواحد يختصر الشي ولا يحب
ويختار زواج تقليدي هيك لا بوقع بمطبات
الحب ولا همو.
وقلب الانسان بظل رشيق من دون حب.
اسئلي خبير ولا تسئلي حكيم.

رافت حكيك على مخي ورمش عيني
بس للزياده
الزواج التقليدي الي بتحكي عنو انا وانت وكل الموجودين هون عم نشوف الو مشكله كلو يوم بموقع العرب
هادا عم اخونو لانو ما بحبو
وهادا اكبر مني ما عم افهمو
وهادا مجنن ربي ومطلعني عن ديني لانو ما بعرف يتعامل معي
الحب هو بهار الزواج
الحب هو برواز الزواج
الحب هو جسر بوصلك من عدم الاطمئنان الي الاطمئنان
يعني انا ما بحبذ الجيزه بدون حب
لك ما تحكي كتير شيطان شيطان هلاء يا انا يا انت منشوفهن جد
واعوز بالله

Admin عدد المساهمات : 58 تاريخ التسجيل : 12/07/2009

أخت حدائق الملائكة
شكرا لك على هذا النشر
لتلك العاقلة المخاطبة لذلك المجنون
قولي لها
ليس كلُّ ما يلمع ذهبا
وأنّ مادح نفسه كذّاب على أي حال
جميلة تلك الخاطرة
مع تمنياتي بعودة المجنون للعاقلة

تحياتي

حدائق الشيطان كتب:

رافت حكيك على مخي ورمش عيني
بس للزياده
الزواج التقليدي الي بتحكي عنو انا وانت وكل الموجودين هون عم نشوف الو مشكله كلو يوم بموقع العرب
هادا عم اخونو لانو ما بحبو
وهادا اكبر مني ما عم افهمو
وهادا مجنن ربي ومطلعني عن ديني لانو ما بعرف يتعامل معي
الحب هو بهار الزواج
الحب هو برواز الزواج
الحب هو جسر بوصلك من عدم الاطمئنان الي الاطمئنان
يعني انا ما بحبذ الجيزه بدون حب
لك ما تحكي كتير شيطان شيطان هلاء يا انا يا انت منشوفهن جد
واعوز بالله

لك والله يسلملي مخك ورمشك وعينك
بس يا كوبرا بدي ابطل عن (شيطانة)
دائمن راح يكون بين الازواج مشاكل
سواء زواج تقليدي او زوج حب ورومانسية
او زواج وحده بس عاوزه تتجوز شو ما كان يكون العريس
المشاكل اللي بتشوفيها بلمواقع يا حدائق الشيطان
لانو الواعز الديني بين البشر تلاشى
واصبح البشر ذئاب كل واحد حابب يفرجي عضلاتو
على الاخر مو مهم شو الطريقة المهم
واحد يفوز وينتصر. اتعلمي من زواج اهلنا
ابونا امنا عمك عمتك خالتك جدك مش كان كل
شي زواج تقليدي وما كانو يشوفو البنت الا
بعد الزواج.
احنا اليوم بعصر التكنلوجيا والجميع من رجل او انثى
صار يهمو غريزتو ومن كثر ما صارت الناس تشوف
على التلفزيون والنت تغيرت الناس وبطل يعجبنا العجب ولا الصيام برجب. كم من ازواج من ايام زمان كان في فرق عمري بينهم وهيهم بعدهم عايشين سوا مع بعض.
بس احكي الناس اتغيرت والبشر اصبحت تتبع الغرب بكل شي
حتى بالطلاق صار نفس طبيعه الغرب.
اذا المشكلة مش بلزواج التقليدي المشكلة بلناس كلها وتغير طبع البشر.

الحياه صارت غابه ذئاب فقط
لا وجود للارانب فيها
الذئاب اي نحن بني البشر صرنا بدنا ناكل حالنا مش غيرنا كمان
الحياه تجربه بتطلع منها يا فاشل يا ناجح
وهادا كلو بعود ورا تفكيرك معيشتك قدرتك واتقانك للعب الصح بالحياه
اي انك تكون مع حالك لحالك ما تقرب عحدا ساعد اعطي ويمكن تاخد مش اكيد
اما الزواج صار برضو لعبه او معظم المتزوجين هيك بشوفو الزواج
هاد اتزوج لحتى يضب حالو لانو قبل كان صايع وهلاء بدو يركز بمرا وحده
هادا بدو يتزوج لانو وصل سن الزواج بما انو اليوم كمان لقب عانس صار يمشي عالرجال
وهادا بدو يتجوز بدو يشوف ولادو
وهادا تجوز لانو امو بدها تجوزو بنت اختها
وهادا تجوز يمكن مصلحه وطمعان بمصاري سلسبيل اجدادها
وجاي يا غلمان جاي
لحق مشاكل كل يوم
بس انا وانت ليش ما ننظر لحالنا عايشين حياه اروع من رائعه مع الي منحبهن وبدنا اياهن
لما احنا سعداء ليش نطلع عالقرف والتعاسه
انا شايفه حالي سعيده بزواجي لهيك ما بحب شوف مشاكل غيري لحتى ما احبط والطم

كوبرا عجبني شو قلتي
الحياه صارت غابه ذئاب فقط
لا وجود للارانب فيها
ولك يعني احنا صرنا ارانب
الله يسامحك ههههههههههههههههه
ربنا يبسطك ويهنيكي كمان وكمان
وانا والله الحمدالله سعيد بزواجي
واخدت اللي بحبها ومبسوطين
واسم الله عليناعايشين بجو رومانسي
بس الشي لا يخلو
من شوية ملح وشويه تبهيره
وفلفل اسود مع بهارات مشكلة
لتكون الطبخة كاملة.

..

عزيزتي حدائق الملائكه ..

لقد هزني حزن صديقتك وتذكرت مقوله قد قرأتها يوماً ألاوهي ::

{لا تبكي لأنه أنتهى ..إضحك لأنه حدث}

أي أننا يجب ان لا نحزن عند أنتهاء أمر جميل ونحبه ...على العكس يجب ان نضحك ..أتدري لما..!!

لأنه حدث يوماً بحياتنا ..بأنه مر بنا شيء حميل وترك وراءه ذاكره رائعه ومريحه..

كثيرون هم الذين يبحثون عن خيط أ بيض أو ذاكره جميله تخرجهم من سواد واقعهم ..فلا يجدون.

محظوظون هم الذين مروا بحب رائع او تجربه مرحه ..تكون لهم عوناً بمشوار حياتهم.

لا أدري لما أغلبنا يحزن عند أنتهاء علاقة حب وفشلها..لطالما أقتنعت أن الحب يبقى جميلاً هكذا بلا تعريف او ضروريات او ألتزامات حتى..

الحب رمز لهذا ليس من حق الرموز أن تتهشم ..والزواج يعتبر أكبر سقوط للحب ..

فالحب قبل الزواج يختلف عن الحب بعد الزواج ...لكن إن أردتِ الحقيقه الحب الصحيح يأتي عند العشره بين الازواج ..ذاك هو الحب القادر على الاستمرار ..اما الحب الاخر فما هو الا ذكرى جميله تمر بنا ..لكنها تبقى ذكرى لا غير...

وحياتنا لا يمكن أن تقف عند محطه واحده ..فلا بد أن تستمر بأي شكل من الاشكال..

عزيزتي لمياء يسعدني ان يصل رأي الى صديقتك العزيزه ..لعله بساعدها في محنتها تلك..

عزيزتي كل حرف قلتي بتقل بجوهره من الفهم والوعي
لكن انا وانت شو بدنا نقول قدام قلب تحول لجليد حب وعشق وهيام
عيون مو شايفه غير جنون هالشخص
الاقتناع بانو صار من الماضي اصبح عندها من الماضي لتقتنع
حبها وحنينها وشوقها وغرامها بحياتي ما شفت ولا بشوف متلو ابدا

كلمات كثير حلوي بحروف بسيطه لكن بداخلها

الكثير من المعاني ورقي الاحساس والمشاعر

حدائق الشيطان ... راع ما كتبتي وابدعتي ..

ساستعير جملة الانثي

لا تبكي لأنه أنتهى ..إضحك لأنه حدث}

لا اظن انة كل نهاية يجب ان نبكي عليها .. بلا

احيانا علينا شكر الضروف التي ابعدتنا او نهتها ..

دمتي بخير

نشكر الظروف التي ابعدتنا !!!!
حلو شو حكيتو
بس هالبنت الي قلبها انفطر وحياتها انقلبت
عايشه الو ومشانو وعلى امل انو يرجع
كيف بدي فهمها الحكي الي ابدعتو فيه
لو بعيش كمان مليون سنه ما بشوف حدا بحب وحب متلها

عزيزتي لمياء
من الطبيعي جدا ان هذه الفتاة
لن تنسى حبها الاول بفتره وجيزه
ولكن قولي لها ماذا سوف يفيد
حبها لة اذ هو لا يراها.
هل تريد خساره كرامتها من اجل انسان
لا يسوى التفكير بة
قولي لها الحياة يوجد بها كثير من الصعاب
واذا تحكمنا بقلبنا فاننا سوف نغلب
هذه الصعاب بالارداه لا يوجد مستحيل
القلب يهوى ولكن ربنا اعطانا نعمة
جميلة وقد تكون من اجمل النعم وهي نعمة
النسيان. فولي لها ان تنساة وتفكر بلمستقبل
المستقبل لا يقف عند شخص واحد احببناه
الحياه سوف تسير بة او بغيره.

يا ريت يا رافت تسمع او حتى تئشع
بحكي والكل بحكيها
بس بدك مين يسمع
البنت عايشه بدوامه النسيان الي مو قارده لهلاء تغرق فيها
والمجنون مش ناسيها بس ظروفو عم تقضي على حياتو اولا وبعدها عالبنت
الحب الاول بيجي هيك دايما مستحيل نفكر مجرد تفكير انو نتخلى عنو
ونعيش بعدو

وينك لمياء اذا ممكن تفوتي ماسنجر
حابب احكي معك هناك.
الله يصبرها ويكون بعونها صديقتك
الا يجي يوم وتعرف انو هيا ممكن
تنسى وترجع لحياتها كما كانت.

من احب بصدق وعرف الحب الحقيقي

لا يمكن ان ينسى من احبه حتى لو

بعد الف سنه تبقى الذكريات

ولهفة الحب للحبيب والشوق لا ينطفئ ابدا

شكرا لك صديقتي كوبرا حدائق الشيطان على نشر ما جال بخاطري
لك مني انا العاقله باقه من اجمل ما تحبين
اصدقائي هنا شكرا لكم على ابداء رأيكم
لكن انا عاشقه دفنت حواسي الخمس
حتى لا ارى او اسمع او اتكلم غير عشقي لذلك المجنون
فعشقى تخطى قصص الخيال والحقيقه
فأنا عاشقه لعذابي من مجنوني
متيمه بسهر الليالي
مغرمه بتلك الثواني الي احسها الالاف من السنين بأنتظار عودته
لا ادري فهل انا التي لم اعد اعي شيئا من عقلي
ام انا تلك العاشقه صاحبه التضحيات
واااه من نسيان لا زلت ارجوه ان يغمرني
واااه من مجنون ما زال ساكن قلبي وروحي
من عاقله!!! الي مجنون!!! ((( خاطره لفتاه عزيزه طلبت مني نشرها ))) ShowImage

من عاقله!!! الي مجنون!!! ((( خاطره لفتاه عزيزه طلبت مني نشرها ))) ShowImage

» خاطره
» خاطره
» مجنون .... وداعا حبيبي